Un reloxo de prata coa matanza dos inocentes gravada. Unha torre inzada de silencios, lamentos e caveiras. Nenos desaparecidos... Estamos en Bretaña, no século XV, nas posesións de Gilles de Retz, sinistro personaxe que, xunto a Xoana de Arco, fixo a guerra contra os ingleses. Afastado da milicia, o señor do Retz iniciou unha lúgubre busca da eterna xuventude polos camiños da alquimia, da maxia negra, da bruxería...e do sangue. Esta novela fascinante descóbrenos, ademais, a personalidade inquietante da pequena Marie, a súa silenciosa aliada. -

Esta historia trata sobre unha tribo de África, chamada Mangala. Os homes e as mulleres de Mangala son os mellores contacontos do mundo enteiro. E non é fácil. Deben adestrarse arreo. Así, cada serán xúntanse na praza redonda da aldea, saudándose cun forte "¡Olo!". E alí empezan a contar historias dun rei que quere un cabalo branco, dun rapaz que embotellou a morte, contos de porcos e de monos e de como naceron algúns animais... En fin, non paran de contar cousas e pásano moi ben.

EDICIÓN LITERARIA-NARRATIVA-.